June 4, 2015No Comments

സിനിമകളിലെ സാരോപദേശത്തെ ഗംഭീരമായി കാണുന്നവർക്ക് ശ്രേഷ്ടം എന്ന് പറയാവുന്ന സിനിമയാണ് 'നീന'. നീന കാരണമല്ല, നളിനികാരണമാണ്. ആൻ അഗസ്റ്റൻ മേ-ൽ-യാാലം പറഞ്ഞ് അഭിനയിച്ച മെട്രോ സർവൈവ്ഡ് അപ്പർ മിഡിൽക്ലാസ് (ലോവർ അപ്പർക്ലാസ്) സ്ത്രി തന്റെ വീട്ടുവേലക്കാരിക്ക് പറഞ്ഞുകൊടുക്കുന്ന ഉപദേശമൂണ്ട് - "ആയാളെ (ഭർത്താവിനെ) കൈവെടിയരുത്. അയാൾ പശ്ചാതപിക്കുമ്പോൾ കേട്ടിരിക്കണം, പിന്നെ ഒപ്പം നിൽക്കണം, എന്നിട്ട് ഇടയ്ക്കിടയ്ക്ക് ചെയ്ത തെറ്റിനെ ഓർമ്മിപ്പിക്കണം. എന്നിട്ട് ചേർത്ത് പിടിക്കണം (വിടരുത്!) അതിലും വലിയ പ്രതികാരമില്ലെന്ന്". പഴയ 'അങ്ങനെ നീങ്ങളിപ്പൊ ഞാനില്ലാതെ സുഖിക്കണ്ടാ' എന്ന വീഡിരാജപ്പൻ ലൈൻ തന്നെ, പക്ഷെ അത് കുലീനയായ (മുണ്ടും വേഷ്ടി) ഭർത്താവിനെ സ്നേഹിക്കുന്ന (വലിയ സിന്ദൂരം) നളിനി എന്ന പണിക്കത്തി പറയുമ്പോൾ ഗീതോപദേശം പോലെ സമൂഹം കാത്തിരുന്ന ഉപദേശമായി മാറാതിരിക്കാൻ വഴിയില്ലല്ലോ!

May 18, 2015No Comments

നീന

നീന, 2015 : നീനയെ വിത്യസ്തയാണെന്ന് കാണിക്കാൻ കാണിച്ചു കൂട്ടുന്ന കോപ്രായങ്ങളുടെ നീണ്ട നിര ബോറടിപ്പിക്കുന്നു. അതിലും ബോറഡിപ്പിക്കുന്ന ഡബിങ്ങും, പശ്ചാതലസംഗീതവും. രണ്ടാം പകുതിയിൽ സിനിമ എങ്ങോട്ടോ പോവുന്നു എന്തൊക്കയോ ആയി മാറുന്നു - ഇടയ്ക്ക് ചാന്തുപൊട്ടിന്റെ പെൺ വർഷൻ വരെയാവുന്നു നീന. രണ്ട് സ്ത്രികളുടെ കഥയെന്നൊക്കെ പറയുന്നുവെങ്കിലും സിനിമയിൽ അടിമുടി വിജയ് ബാബുവാണ്. വിജയ് ബാബു അത് നല്ല വൃത്തിക്ക് ചെയ്യുകയും ചെയ്തു. ഒരാവശ്യവുമില്ലാതെ സിനിമയിൽ വന്ന് പോയ ചെമ്പൻ വിനോദും സുനിൽ സുഗദയും നന്നായി അഭിനയിച്ചു. ലാൽ ജോസിന്റെ 'മേഘമൽഹ'റോ 'ഒരേകടലോ' ആവുന്നില്ല നീന.