ഒഴിവ് ദിവസത്തെ കളി

ഒരു ചെറിയ സിനിമ, വ്യക്തമായ രാഷ്ട്രീയം, കാര്യത്തെ കൃത്യമായ തോതിൽ വൃത്തിയായി പറഞ്ഞ് പോവാൻ സനലിനു സാധിക്കുന്നു. സ്ഥിരം സിനിമകളിൽ നിന്നും മാറി ഏറെ ഡ്യൂറേഷനുള്ള ഷോട്ടുകൾ, അതും നേരത്തെ എഴുതി ചിട്ടയാക്കിയ സംഭാഷണമില്ലാത്ത നറേഷൻ ഗംഭീരമാണ്. കള്ള് കുടിച്ച് കൈവിട്ട് രാഷ്ട്രീയം പറഞ്ഞ് ഒടക്കിപോവുന്ന രംഗത്തിൽ എല്ലാ അഭിനയതാക്കളൂടേയും പ്രകടനം ഏറെ ശ്രദ്ധേയമാണ്.

ഉണ്ണി ആറിന്റെ കഥയെ നീട്ടി വലിക്കുകയല്ല, മറിച്ച് കൃത്യമായ രീതിയിൽ സിനിമക്ക് ചേരുന്ന ഒരു എലമെന്റ് ആക്കി മാറ്റാൻ സനലിനു സാധിക്കുന്നു. ആദ്യം പരന്ന് പറഞ്ഞ് പോവുന്ന സിനിമ പതുക്കെ മുറികി മുറികി വ്യക്തമായ ഒരു വരയിലേക്ക് എത്തുന്നു. ക്യാമറാ ട്രിക്കുകളെ ബോധപൂർവ്വം മാറ്റി നിർത്തിയത് പോലെ തന്നെ വളരെ ചെറിയ ഇടപെടലുകളെ പശ്ചാത്തല സംഗീതത്തിൽ ബേസിൽ നടത്തുന്നുള്ളു. അത് അതീവ ഹൃദ്യവും ഗംഭീരവും ആണ്. അപ്പുവിന്റെ എഡിറ്റും രാഷ്ട്രീയത്തെ നിസാരവത്കരിക്കതെ ഇരിക്കുന്നതിൽ സഹായിക്കുന്നു.

ഈയടുത്ത് കണ്ട മികച്ച രാഷ്ട്രീയ സിനിമകളിൽ ഒന്നാണ് ഒഴിവുദിവസത്തെകളി. സൃഷ്ടാക്കൾക്ക് അഭിനന്ദനം. ഏറെ കാലമായി കാണാനാഗ്രഹിച്ച സിനിമ കൊച്ചിയിൽ പ്രദർശിപ്പിച്ച കൊച്ചിൻ ഫിലിം സൊസൈറ്റിക്ക് നന്ദി.

വാൽ : കാശിന്റെ ചിലവ് പറഞ്ഞാൽ ആ കാശോണ്ട് എത്ര ശവർമ്മ/ബിരിയാണി കഴിക്കാമായിരുന്നു എന്ന് പറയുന്ന ഒരു സുഹൃത്തെനിക്കുണ്ട്. അവന്റെ കണക്കിൽ പറഞ്ഞാൽ ഒരു അമർ അക്ബർ ആന്റണി എടുക്കുന്ന കാശുണ്ടെങ്കിൽ 30 ഒഴിവ്ദിവസത്തെകളി എങ്കിലും എടുക്കാമായിരുന്നു

എന്നും എപ്പോഴും

എന്നും എപ്പോഴും, 2015 : ഒരേ ഫോർമാറ്റിൽ സിനിമ ഇടുക്കുന്ന സത്യൻ അന്തിക്കാട് പല സ്ഥിരം ഘടങ്ങളും മാറ്റി വച്ച് ‘സ്റ്റോറി ബോർഡ് എടുക്കാൻ മറന്ന്’, പിന്നെ കട്ട് പറയാനും മറന്ന സിനിമയാണ് എന്നും എപ്പോഴും. കട്ട് പറയാൻ മറന്നു എന്നത് സത്യമാണ്, നീണ്ട് വലിഞ്ഞ ഇലാസ്റ്റിക്ക് ജെട്ടി പോലെ കിട്ടക്കുന്നു സിനിമ -കാലിടാൻ ഓട്ടയില്ലെന്ന് മാത്രം.

ഫ്ലാഷ്ബാക്കെന്ന മാരകായുധം ഉപയോഗിക്കാതെ, തമിഴ്നാട്ടിലേക്ക് ഒരു കണക്ഷനുമില്ലാത്ത, ഗ്രാമത്തിന്റെ പച്ചപ്പ് കാണിക്കാത്ത സത്യൻ അന്തിക്കാട് സിനിമ എന്നത് ഒരുതരത്തിൽ ‘ഫ്രഷ്’ അപ്രോച്ച് ആണെങ്കിലും, പറയാൻ ഒരു കഥയൊ, എന്തെങ്കിലും ഒരു കുന്തമോ സിനിമക്കില്ല. ഉപദേശം ഇത്തവണ സിനിമക്ക് കുറവാണ്, തന്റെ ഭാഗം ന്യായികരിക്കുന്ന നായികയുടെ കൊറേ നീണ്ട ഡയലോഗുകളാണ് സിനിമ ഉടനീളം. മോഹൻലാലിനു അഭിനയിച്ച് ഫലിപ്പിക്കാൻ മാത്രം സിനിമയിൽ ഒന്നുമില്ലതാനും.

മഞ്ജുവാര്യർ വർഷൻ 2.0 തന്റെ പാക്കേജിൽ പച്ചക്കറിത്തോട്ടതിനു പകരം ക്ലാസിക്കൽ ഡാൻസ് ആക്കി – അവളെ അംഗീകരിക്കാത്ത ‘രാജീവ്’ എന്ന എക്സ്-ഭർത്താവും, ബോൾട് ആന്റ് ബ്യൂട്ടിഫുൾ മോഡും, ഒരു മകളും എന്നീ ഹൗ ഓൾഡ് ആർ യു പാക്കേജ്ജ് അതേപടിയുണ്ട്. വൃദ്ധനായ കുഞ്ചാക്കോയിൽ നിന്നും നായകപദം മോഹൻലാലിലേക്ക് മാറിയത് കൊണ്ടാവണം മകളുടെ പ്രായം എട്ട് വയസ്സ് കുറഞ്ഞിട്ടുണ്ട്.

അപ്പുറത്തെ വീട്ടിൽ എന്തിനോവേണ്ടി തിളക്കുന്ന ഇന്നസെന്റും, ഓഫീസിൽ എന്തിനോ വേണ്ടി ലണ്ടനിൽ നിന്ന് വന്ന് തിളച്ച് മറിഞ്ഞ റീനുവും, പിന്നെ ‘പാലക്കട്ടിലെ ചുരിദാർ ഭ്രമം’ എന്ന വനിത ലേഖനം തൊണ്ടതൊടാതെ പ്രസംഗിച്ച ലെനയും എന്തിനു വേണ്ടി വന്നു എന്നൊരു പിടിയുമില്ല. മലയാളസിനിമയിൽ ഇത് വരെ കാണാത്ത ‘പർസണൽ ബ്രാൻഡ് പ്രമോഷൻ’ ചെയ്യൻ ചിറ്റിലപ്പളികൂടി വന്നതോടെ ഇനി പടം കണ്ടവർക്ക് ഇങ്ങോട്ട് കാശുകിട്ടുമോ എന്ന് കൂടി തോന്നിപോയി.

ഫയർമാൻ എന്ന 'ഹിറ്റ് ' ചിത്രം.

ഫയർമാൻ എന്ന ‘ഹിറ്റ്’ ചിത്രം, ഒരു റിവ്യു : ‘ട്രാഫിക്ക് ‘ എന്ന ഹിറ്റിനു ശേഷം മലയാളത്തിൽ വരുന്ന ‘ഒരു ദിവസം, ഒരു സംഭവം’ എന്ന കഥനരീതിയിൽ അവസാനം പോട്ടുന്ന ഒരു ‘ട്വിസ്റ്റി ക്ലൈമാക്സ്’ കൂടി ചേർത്തിണക്കിയതാണ് ഫയർമാൻ. അറുബോറൻ ഗ്രാഫിക്സും പരിപ്പുവടവരെ സ്ലോമോഷനിൽ ബൈസെപ്സ് കാണിച്ച് തിന്നുന്ന ഉണ്ണിമുകുന്ദനേയും കണ്ട് നാടകീയതയുടെ അങ്ങേയറ്റമായ ബോറടിപ്പിക്കുന്ന ആദ്യപകുതി സഹിച്ചിരുന്നാൽ സാമാന്യ ബുദ്ധിക്ക് നിരക്കാത്ത സർവ്വലോക തീവ്രവാദികളെ പൊട്ടനാക്കുന്ന ക്ലൈമാക്സ് അടങ്ങുന്ന രണ്ടാം പകുതി കാണാം. ഇടക്ക് രണ്ട് മരണവും, ആർക്കോ വേണ്ടി തിളക്കുന്ന സലീംകുമാറും. ഒടുക്കം സംവിധായകന്റെ പേരുപോലും തെറ്റി എഴുതിയിരിക്കുന്ന ടൈറ്റിൽ കാർഡും. മമ്മൂട്ടിയുടെ ലുക്കും രാഹുൽ രാജിന്റെ സംഗീതവും മാത്രമായിരുന്നു ആശ്വാസം.

സലാം കാശ്മീര്‍

സലാം കാശ്മീര്‍ കണ്ടു. 1. മേജര്‍ രവിയൊക്കെ എന്തൊരു ഡീസെന്റ് 2. കമ്പ്യൂട്ടറിലും ഹാക്കിങ്ങിലും ഇത്രയും ഗവേഷണം നടത്തിയ തിരക്കഥാകൃത്ത് സേതുവിന് നോബല്‍ സമ്മാനം കൊടുക്കണം. 3. നിര്മ്മാതാവിന് മിനിമം മൂന്ന് ഓസ്ക്കാറും ഒരു പത്മശ്രിയും. 4. എങ്കിലുമൊരു ചോദ്യം ബാക്കി നില്‍ക്കുന്നു – എങ്ങനെ സാധിക്കുന്നൂ‌! ഇമ്മാതിരി കഥയും, സസ്പെന്‍സും അതിനൊത്ത പോസ്റ്ററും.

1983 (Malayalam Movie, 2014)

1983 (Malayalam Movie, 2014) : A movie with “uncredited” hero character -Sachin Tendulkar. He is the hero, he is the emotion and he is the goosebumps making machine!
Though the story is not new, the way Abrid Shine tailored it for Malayalee audience is something wow. Nivin Pauly did a clean job, along with others casts, special mention to Srinda Ashab and Neeraj Madhavan. Engaging humor, simple true-to-heart incidents and neat narrations make the movie one fine watch. Special salute to Laljose, the coach for molding such an awesome director!